காதல்

காதல்
காத்திருத்தலின் சுருக்கம்தான் காதலோ
காணாதிருத்தலின் சுகமும் காதலோ
செல்லெங்கும் நுழைந்து புரையோடிய புற்றுநோயோ
கண்டதால் அண்டிக்கொண்ட தொற்றுநோயோ
புற்றையேனும் நீக்க முடியும்
ஒன்றறக் கலந்த காதலை எவ்விதம் நீக்குவேன்
நெஞ்சம் வலிக்குதடி
நினைவுகள்
தொல்லை கொடுக்குதடி
நாளும் நின் சிந்தனை
நாகத்தின் விஷந்தனைப்
போல் என்னுள் புகுந்தனை

நின் வேல் நாசியோ
கூர்வாள் விழியோ
ஆழ்ந்த அடர் அலைக்கூந்தலோ
அனல் வீச்சு மூச்சுக்காற்றோ
ஏதேனும் ஒன்றால்
என்னாயுள் முடித்துவிடு
முடியவில்லை என்னால்
இந்த நரக வேதனை இன்னும்
எத்தனை நாளோ
மண்ணுக்குள் போகும் வரையிலா
இல்லை
மண ஒப்புதல் நீ தரும் வரையிலா???